MOHABBAT KAR KE TO DEKHO

Dil ke daryaa mein utar ke dekho
Tum mohabbat mujh se kar ke dekho

Phir tumhein meri talab ho shaayad
Tum kabhi mujh se bichar ke dekho

Ishq ka saaghar bohat hai gehraa
Doob kar khud bhi ubhar ke dekho

Dunya phir lagne lagegi dilkash
Isko tum meri nazar se to dekho

Pyaar kahte hain kise zaraa tum
Meri baahon mein bikhar ke dekho

Mera gham mehsoos karna ho to
Meri raahon se guzar ke dekho

Kya asar hota hai berukhi ka
Meri chahat se mukar ke dekho

Jo mohabbat ne hai dekha tum bhi
Uski aankhon mein sanwar ke dekho

Sanshe rukne say pahle ek jhalak ki kasak
Bewafa zindagi say chahat kar ke dekho